AFFA “Sumqayıt” və “Kəpəz” klublarını cərimələyib

AFFA İntizam Komitəsi Azərbaycan Premyer Liqasının III turunda, “Səbail” klubu ilə matçda PFL Əsasnaməsinin tələblərini pozduğuna görə “Sumqayıt”ı 500 manat cərimələyib.

“Report” xəbər verir ki, bu barədə qurumun iclasında qərar qəbul olunub.

Bununla yanaşı, Sumqayıtdakı Mehdi Hüseynzadə adına stadionda baş tutan görüş bitdikdən sonra meydana kənar şəxslər daxil olduğuna görə “Sumqayıt” klubu 800 manat cərimələnib.

İntizam Komitəsi həmçinin “Turan Tovuz”la matçda 4 futbolçusu sarı vərəqə ilə cəzalandırılan “Kəpəz” klubunu 700 manat cərimələyib.