ABŞ-ın futbol yığması Qətərdəki təlim-məşq toplanışını ləğv edib

Futbol üzrə ABŞ yığması regionda vəziyyətin gərginləşməsinə görə Qətərdəki təlim-məşq toplanışını ləğv edib.

“Report”un məlumatına görə, bu barədə federasiyanın saytında yayılan bəyanatda deyilir.

"Regionda hadisələrin inkişafı ilə əlaqədar ABŞ yığması yanvarda məşq toplanışının keçirilməli olduğu Qətərə səfəri təxirə salmağa qərar verib", - deyə federasiyanın saytında bildirilir.

Qətərdə keçirilməli olan 20 günlük toplanış yanvarın 5-də başlanmalı idi.

ABŞ Futbol Federasiyası ən yaxın matçlara hazırlıq üçün başqa meydançalar axtarır.