“Ferrari”nin pilotu: “Azərbaycan Qran Prisində zirvəyə qayıtmağa hazırıq”

“Azərbaycan Qran Prisində zirvəyə qayıtmağa hazırıq”.

“Report” xəbər verir ki, bunu “Formula 1” üzrə dünya çempionatında çıxış edən “Ferrari” komandasının pilotu Şarl Lekler deyib.

Mövsümün ilk üç mərhələsində uğursuzluğa düçar olduğunu etiraf edən 26 yaşlı sürücünün Azərbaycan Qran Prisinə ümidi böyükdür: “Qarşıda hələ uzun marafon var. Azərbaycan Qran Prisinə yüksək motivasiyalıyıq. Bakıdakı yarışdan maksimum yararlanmağa çalışacağıq. Komanda olaraq burada nəyi yaxşı edə biləcəyimiz barədə danışırıq. Yaranmış üç həftəlik fasilə sürətimizi artırmağa kömək olacaq”.

Qeyd edək ki, Bakıdakı yarış 28-30 apreldə keçiriləcək. Şarl Lekler hazırda 6 xalla 10-cu pillədə qərarlaşıb.