Türkiyə Super Liqasının 3 oyunu təxirə salınıb

Türkiyədə ötən gecə baş vermiş zəlzələ ilə əlaqədar Superliqada bu gün keçirilməli olan 3 oyun təxirə salınıb.

"Report"un məlumatına görə, bu barədə Türkiyə Futbol Federasiyası (TFF) xəbər yayıb.

Bildirilib ki, ölkədəki vəziyyətlə bağlı "Ümraniyespor" - "Adana Demirspor", "Fənərbağça" - "Konyaspor" və "Giresunspor" - "Kayserispor" matçları başqa vaxt oynanılacaq.

Bundan başqa, I və II Liqanın bəzi qarşılaşmalarının da vaxtı dəyişdirilib.

Türkiyədə ötən gecə baş vermiş zəlzələ ilə əlaqədar bütün daxili idman tədbirləri təxirə salınıb.

"Report"un məlumatına görə, bu barədə gənclik və idman naziri Mehmet Kasapoğlu yerli mətbuata açıqlama verib.

O bildirib ki, tədbirlər ikinci xəbərdarlığadək keçirilməyəcək.

Qeyd edək ki, Türkiyədə 7,4 maqnitudalı gücündə zəlzələ olub. Episentri Kahramanmaraş olan təkanlar nəticəsində bir neçə ətraf rayonda güclü dağıntılar qeydə alınıb.