Rafael Nadal karyerasını tezliklə başa vuracağını açıqlayıb

İspaniyalı məşhur tennisçi Rafael Nadal karyerasını tezliklə başa vuracağını açıqlayıb.

"Report" xəbər verir ki, 38 yaşlı raketka ustası bu barədə şəxsi instaqram hesabında bildirib.

O, son olaraq 19-24 noyabrda İspaniyanın Malaqa şəhərində keçiriləcək Devis Kubokunda iştirak edəcək.

Qeyd edək ki, Rafael Nadal "Böyük Dəbilqə" turnirlərinin 22 qat qalibidir. O, həmçinin Pekin-2008 və Rio-de-Janeyro-2016 Yay Olimpiya Oyunlarının qızıl medalını qazanıb.