Paris-2024: Azərbaycan üzgüçüsü yarışı 35-ci sırada başa vurub

Azərbaycan üzgüçüsü Məryəm Şeyxəlizadəxangah Fransanın paytaxtı Parisdə keçirilən Yay Olimpiya Oyunlarında mübarizəyə qoşulub.

"Report"un yarışa ezam olunan əməkdaşı xəbər verir ki, idmançı 50 metr məsafəyə sərbəst üsulla təsnifat mərhələsində çıxış edib.

O, öz qrupunda 8 iştirakçı arasında 26.76 saniyə göstərici ilə üçüncü olub.

Bütün qruplar üzrə çıxışların nəticələrinə əsasən Şeyxəlizadəxangah 35-ci yeri tutub.