MOK rəsmisi: "Təhlükəsiz idman sahəsində peşəkar kadrların artması ilə bağlı işlər davam edir"

Azərbaycanda təhlükəsiz idman sahəsində peşəkar kadrların artması istiqamətində işlər davam etdirilir.

"Report"un məlumatına görə, bunu Milli Olimpiya Komitəsinin marketinq şöbəsinin direktoru Səkinə Vəliyeva "III Təhlükəsiz İdman Forumu"nda deyib.

O bildirib ki, forumun əsas məqsədi təhlükəsiz idman sahəsində görülən işlər və bunun daha da inkişaf etdirilməsi ilə bağlıdır:

"Bu sahədə ölkəmiz peşəkar kadrlara malikdir. Bu sayın artması istiqamətində işlər davam etdirilir. Təhlükəsiz idman sahəsini daha da inkişaf etdirmək üçün fikirlərimizi bölüşəcəyik".