Mingəçevirdə triatlon üzrə Azərbaycan çempionatı keçirilib

Mingəçevirdə triatlon üzrə Azərbaycan çempionatı keçirilib.

“Report”un Mingəçevirə ezam olunmuş əməkdaşının məlumatına görə, yarış Kür Olimpiya Tədris-İdman Mərkəzində baş tutub.

Gənclər və İdman Nazirliyi, Azərbaycan Üzgüçülük Federasiyasının birgə təşkilatçılığı, Bakı Şəhər Halqası Əməliyyat Şirkəti və “Smart Scoring”in dəstəyi ilə keçirilən yarışda müxtəlif yaş kateqoriyasından olan idmançılar mübarizə aparıblar.

10-13 yaşlılar (üzgüçülük 300 m, velosiped 8 km, qaçış 2 km), 14-17 yaşlılar (üzgüçülük 300 m, velosiped 8 km, qaçış 2 km), 18 yaşdan yuxarı (Gənc/U23/Elit - üzgüçülük 1500 m, velosiped 40 km, qaçış 10 km) və komandalar (estafet - üzgüçülük 1500 m, velosiped 40 km, qaçış 10 km) arasında ən güclülər müəyyənləşdirilib.

Qadınlar arasında olimpiya məsafəsində Kseniya Voronina, kişilərin olimpiya məsafəsində Toğrul Məmmədov finişə birinci çatıblar.

Komanda yarışında isə olimpiya məsafəsi üzrə qadınlarda Aysel Səfərova, Svetlana Yevkina, Lalə Əzizova, kişilərdə Musa Mikayılzadə, Cəfər Məmmədov və Cəlal Süleymanov birinci yeri tutublar.