İtaliyalı tennisçi Federer və Nadalın nailiyyətini təkrarlayıb

İtaliyalı tennisçi Yannik Sinner Rocer Federer və Rafael Nadalın nailiyyətini təkrarlayıb.

"Report"un "Opta"ya istinadən məlumatına görə, 23 yaşlı idmançı bunu Avstraliya Açıq çempionatında yarımfinala yüksəlməklə bacarıb.

Avstraliyalı Aleks de Minauru məğlub edən dünyanın 1 nömrəli raketka ustası turnirdə 20-ci qalibiyyətini əldə edib. O, bu yarışda cəmi dörd görüşdə uduzub.

Beləliklə, Sinner 2000-ci ildən bəri 24 matçda 20 qələbə qazanan üçüncü oyunçu olub. Daha əvvəl bunu Rocer Federer və Rafael Nadal bacarıb.

Qeyd edək ki, Yannik Sinner yarımfinalda ABŞ-dən olan Ben Şeltonla üz-üzə gələcək.