Nazirlik Tibbi-Bədən Tərbiyəsi dispanserlərinə rəhbər axtarır

Gənclər və İdman Nazirliyi dörd idman obyektində rəhbər vəzifə üzrə işə qəbul elan edib.

"Report" nazirliyin rəsmi feysbuk hesabına istinadən xəbər verir ki, bunlar Gəncə, Lənkəran, Şəki və Şirvan Şəhər Tibbi-Bədən Tərbiyəsi dispanserləridir.

45 yaşadək olan ali təhsilli namizədlərdən minimum 5 il iş stajı (rəhbər işində olanlara üstünlük verilir) tələb olunur.

Vakansiya üçün tibb menecmenti, terapevt və travmatoloqlara üstünlük veriləcək.

Müraciət etmək istəyənlər sənədləri 30 sentyabr saat 12:00-dək müvafiq ünvana göndərməlidir.