Gəncədə "Sağlam Məhəllə"nin açılışı olub - YENİLƏNİB 

Gəncə şəhər Gülüstan qəsəbəsində istifadəyə verilən "Sağlam Məhəllə"nin açılış mərasimi keçirilib.

"Report"un Qərb bürosunun məlumatına görə, mərasimdə gənclər və idman naziri Fərid Qayıbov, idman ictimaiyyəti, rəsmi şəxslər və sakinlər iştirak ediblər.

Nazir Fərid Qayıbov burada yaradılan şəraitlə tanış olub, Gəncə şəhər idman ustaları ilə görüşüb.

Qeyd edək ki, "Sağlam Məhəllə" ərazisində minifutbol meydançası, basketbol və uşaqlar üçün kiçik idman parkı var.

Gənclər və idman naziri Fərid Qayıbov Gəncədə səfərdədir.

Bu barədə "Report"un Qərb bürosu xəbər verir.

Nazir şəhərdəki "Sağlam Məhəllə"nin açılış mərasimində iştirak edəcək.