Federasiyadan narazı olan Azərbaycan millisinin həndbolçuları komandaya qayıdıb

Azərbaycan Həndbol Federasiyasından narazı olan həndbolçular yenidən milli komandaya qayıdıb .

Bu barədə "Report"a açıqlamasında yığmanın üzvü Cavid İsmayılov bildirib.

Oyunçu artıq bir aya yaxındır məşqlərə başladıqlarını söyləyib: "Gənclər və idman nazirinin müavini Mariana Vasileva ilə görüşümüz oldu. Bizi xoş qarşıladı və problemlərimizin hamısını həll etdi".

Hələlik U-16 komandasında yer alan İsmayılov mövsümün sonunda yeni klubunun adına aydınlıq gələcəyini sözlərinə əlavə edib.

Qeyd edək ki, narazı həndbolçular 2021-ci ilin noyabrında yığmadan qovulmuşdu.