Əli Niftəliyev: Avropaya qızıl medal qazanmaq üçün getmişdik

“Portuqaliyada keçirilən yarışa çox ciddi hazırlaşırdıq. Avropaya qızıl medal qazanmaq üçün getmişdik”.

“Report” xəbər verir ki, bu sözləri Portuqaliyanın Qimarayeş şəhərində keçirilən Avropa çempionatında sinxron proqramda qızıl medal qazanan Azərbaycan gimnastı Əli Niftəliyev jurnalistlərə açıqlamasında deyib.

İdmançı göstərdiyi nəticəyə görə məşqçilər korpusuna təşəkkür edib: “Birincisi məşqçilərimizə təşəkkür edirəm. Onlar olmasa idi, biz bu uğuru əldə edə bilməzdik. Hətta deyərdim ki, Avropada mükafat belə qazana bilməzdik”.

Qeyd edək ki, Əli Niftəliyev və Ammar Baxşaliyev (batut gimnastikası) sinxron proqramda birinci yeri tutublar.