Dünya çempionatı: Eldəniz Əzizli və Rafiq Hüseynov finala yüksəliblər - YENİLƏNİB - 2

Azərbaycanın daha bir yunan-Roma güləşçisi Rafiq Hüseynov Serbiyanın paytaxtı Belqraddakı dünya çempionatında yarımfinal görüşünə çıxıb.

"Report"un məlumatına görə, 82 kq çəki dərəcəsində mübarizə aparan idmançı Türkiyə təmsilçisi Burhan Akbudakla üz-üzə gəlib.

Rəqibinə qalib gələn Hüseynov sabah qızıl medal uğrunda qarşılaşmada İrandan olan Əlirza Mohmadipiani ilə görüşəcək

Daha əvvəl 55 kq-da Eldəniz Əzizli finala vəsiqə qazanıb. İkiqat dünya çempionu Gürcüstan idmançısı Nuqzar Surtsumiya ilə münasibətlərə aydınlıq gətirəcək.

Azərbaycanın yunan-Roma güləşçisi Eldəniz Əzizli Serbiyanın paytaxtı Belqradda təşkil olunan dünya çempionatında finala yüksəlib.

"Report"un məlumatına görə, 55 kq çəki dərəcəsində çıxış edən idmançı yarımfinalda İran təmsilçisi Puya Dad Marzla üz-üzə gəlib.

Rəqibinə qalib gələn Əzizli sabah qızıl medal uğrunda görüşə çıxacaq.

Azərbaycanın üç yunan-Roma güləşçisi Serbiyanın paytaxtı Belqradda təşkil olunan lisenziya xarakterli dünya çempionatında yarımfinala yüksəlib.

“Report”un məlumatına görə, Eldəniz Əzizli (55 kq), Sənan Süleymanov (77 kq) və Rafiq Hüseynov (82 kq) 1/4 final səddini uğurla keçiblər.

E.Əzizli və S.Süleymanov bu raundda Qazaxıstan təmsilçilərindən güclü olublar. Onlar müvafiq olaraq Marlan Mukaşev və Demeu Jadrayevə qalib gəliblər. R.Hüseynov isə yarımfinal yolunda Dünya Güləş Birliyinin (UWW) bayrağı altında çıxış edən Aues Qonibovu məğlub edib.

Qeyd edək ki, 130 kq çəki dərəcəsində çıxış edən Beka Kandelaki mübarizəni erkən dayandırıb.