Azərbaycanın altı cüdoçusu "Böyük Dəbilqə"də mübarizəyə başlayır

Azərbaycanın altı cüdoçusu bu gün Birləşmiş Ərəb Əmirliklərinin paytaxtı Əbu-Dabidə start götürəcək "Böyük Dəbilqə"də mübarizəyə başlayacaq.

"Report"un məlumatına görə, kişilərdən Balabəy Ağayev, Hüseyn Allahyarov (hər ikisi 60 kq), Ruslan Paşayev və Rəşad Yelkiyev (hər ikisi 66 kq) tatamiyə çıxacaqlar.

Qadınlardan Leyla Əliyeva (48 kq) və Acelya Toprak (57 kq) çıxış edəcəklər.

Qeyd edək ki, turnir oktyabrın 13-də başa çatacaq.