Bakıda kişi cüdoçular arasında Liqa yarışının II turu keçiriləcək

Hövsan qəsəbəsində yerləşən Fövqəladə Hallar Nazirliyinin İdman-Sağlamlıq Mərkəzində kişi cüdoçular arasında Liqa yarışının II turu keçiriləcək.

Bu barədə "Report"a Azərbaycan Cüdo Federasiyasının mətbuat xidmətindən məlumat verilib.

İyulun 4-də startı veriləcək yarışda 41 klub və idman cəmiyyətlərindən olan 222 idmançı 7 çəki dərəcəsində medallar uğrunda mübarizə aparacaq.

Qeyd edək ki, cari ildə kişilər arasında Liqa yarışının II turunun keçirilməsi planlaşdırılır. Bu yarışlar nəticəsində idmançıların reytinq siyahısı formalaşacaq.