Azərbaycanlı gimnast: Məqsədim qarşıdakı olimpiadaya vəsiqə qazanmaqdır

Məqsədim qarşıdakı olimpiadaya vəsiqə qazanmaqdır.

"Report" xəbər verir ki, bunu Batut gimnastikası üzrə Azərbaycan millisinin üzvü Selcan Mahsudova Fransanın paytaxtı Parisdə keçirilən Yay Olimpiya Oyunlarındakı çıxışını dəyərləndirərkən deyib.

20 yaşlı idmançı yarışda ona dəstək olan hər kəsə öz təşəkkürünü bildirib:

"Məni dəstələyən hər kəsə öz təşəkkürümü bildirirəm. Ailəm, yaxınlarım və dostlarım məni izləyib, dəstəkləyirdilər. Bu mənim ilk olimpiada yarışım idi. Azərbaycan batut gimnastik növündə ilk olimpiya lisenziyasını qazandım. Öz çıxışımdan tam razı qalmadım. Məqsədim qarşıdakı olimpiadaya vəsiqə qazanmaqdır. Ümid edirəm ki, gəlcəkdə daha yaxşı çıxış edəcəm".

Qeyd edək ki, S.Mahsudova Batut gimnastikası yarışlarında 16 iştirakçı arasında 10-cu yeri tutaraq mübarizəni dayandırıb.