Azərbaycanın iki güləşçisi reytinq turnirində mübarizəyə başlayır

Azərbaycanın iki sərbəst güləşçisi bu gün Macarıstanın paytaxtı Budapeştdə start götürəcək reytinq turnirində mübarizəyə başlayacaq.

"Report"un məlumatına görə, 86 kq çəki dərəcəsində çıxış edən Abubakr Abakarov 1/8 final mərhələsində Uri Kalaşnikov (İsrail) - Benyamin Greil (Avstriya) cütünün qalibi ilə üz-üzə gələcək.

97 kq-dakı Maqomedxan Maqomedov eyni raundda Vladislav Baytsayevin (Macarıstan) müqavimətini qırmağa çalışacaq.

Qeyd edək ki, reytinq turniri iyulun 16-da başa çatacaq. Yarışda Azərbaycanın yunan-Roma güləşçiləri də qüvvələrini sınayacaqlar.