Azərbaycan üzgüçüsü növbəti dəfə dünya çempionatının finalına yüksəlib

Azərbaycan para-üzgüçüsü Roman Saley İngiltərənin Mançester şəhərində keçirilən dünya çempionatında növbəti dəfə finala yüksəlib.

“Report”un məlumatına görə, üçqat paralimpiya çempionu 50 metr məsafəyə sərbəst üzməkdə 24.78 saniyə nəticə göstərib.

Final yarışı bu gün, Bakı vaxtı ilə saat 21:30-da başlayacaq.

Qeyd edək ki, Roman Saley dünya çempionatında 100 metr məsafəyə arxasıüstə üzməkdə gümüş, eyni məsafəni butterflyay üsulu ilə üzməkdə isə bürünc medal qazanıb.