“Urals” neftinin orta qiyməti 33% azalıb

Rusiyanın “Urals” neftinin orta qiyməti bu ilin doqquz ayında 40,84 ABŞ dolları/barel səviyyəsində olub.

“Report”un Rusiya mətbuatına istinadən verdiyi xəbərə görə, bu barədə Rusiya Federasiyası Maliyyə Nazirliyinin yaydığı məlumatda deyilir.

2019-cu ilin analoji dövründə “Urals”ın orta qiyməti 64,15 ABŞ dolları/barel təşkil edirdi. Bununla da, bir illik azalma təxminən 36% təşkil edib.

Bu ilin sentyabr ayında “Urals” neftinin orta qiyməti 40,91 ABŞ dolları/barel təşkil edib. Ötən ilin eyni dövründə bu markalı neftin bir barelinin orta qiyməti 61,06 ABŞ dolları olub ki, bu da illik müqayisədə 33% ucuzlaşmaya bərabərdir.