SOCAR Ukrayna Dəmir Yolları üçün 15 min ton dizel yanacağı tədarük edəcək

Bakı. 16 oktyabr. REPORT.AZ/ Azərbaycan Dövlət Neft Şirkətinin (SOCAR) Ukraynadakı törəməsi - “SOCAR Ukraine” şirkəti “Ukrzaliznitsya” üçün 15 min ton həcmində dizel yanacağı tədarük edəcək.

“Report” Ukrayna KİV-inə istinadən xəbər verir ki, bununla bağlı iki tərəf arasında saziş imzalanıb.

“SOCAR Ukraine” dizel yanacağını 33 352,16 qrivna/ton qiymətinə tədarük edəcək.

Tədarük üçün son tarix bu il dekabrın 31-i nəzərdə tutulub.