SOCAR Rumıniyada 36-cı yanacaqdoldurma məntəqəsini istifadəyə verib

Buxarest. 19 may. REPORT.AZ/ Rumıniyanın paytaxtı Buxarestdə “SOCAR” brendi altında sayca 2-ci yanacaqdoldurma məntəqəsi istifadəyə verilib. 

“Report”un Şərqi Avropa bürosunun məlumatına görə, şəhərin mərkəzində, Blvd Basarabia nr.103 ünvanında yerləşən məntəqədə 2 sayğac quraşdırılıb və burada NANO Dizel və NANO Super Dizel, NANO 95 və NANO 98 (benzin) tipli yanacaq məhsullarının satışı həyata keçirilir. Yanacaqdoldurma məntəqəsinə daxil olan müştərilər üçün elektromobillərin şarjı, maşınyuma məntəqəsi, eləcə də “Nar” kafedə 24 saat pulsuz internet xidmətləri də təklif olunur. Basarabia məntəqəsinin istifadəyə verilməsi ilə Rumıniyada “SOCAR” brendi altında fəaliyyət göstərən yanacaqdoldurma məntəqələrinin sayı 36-ı olub. 

Xatırladaq ki, 2011-ci ildə Rumıniyanın enerji bazarına daxil olan SOCAR-ın “SOCAR Petroleum SA” şirkəti bu ölkənin 42 rayonunun 17-də YDM məntəqəsinə malikdir.