SOCAR neft emalını 37 % artırıb

Bu ilin aprel-iyun aylarında Azərbaycan Dövlət Neft Şirkəti (SOCAR) tərəfindən Azərbaycandakı emal kompleksində 1 milyon 575 min 320 ton neft, 856 milyon 530 min 459 kubmetr təbii qaz emal olunub.

Bu barədə “Report” SOCAR-ın bu ilin ikinci rübünə dair qazma, hasilat, emal və ixrac göstəriciləri ilə bağlı açıqlamasına istinadən xəbər verir.

Bildirilib ki, neft emalı 2022-ci ilin müvafiq dövrü ilə müqayisədə 423 min 600 ton və ya 36,8 % artıb.

Qaz emalı isə ötən ilin eyni dövrü ilə müqayisədə 12 milyon 317 min 663 kubmetr və ya 1,42 % azalıb.