Yuxarı
    Bağlamaq

    SOCAR: “Neft Daşları"nda təhlükə ilə bağlı yayılan şayiə əsassızdır

    SOCAR olaraq, işçilərin təhlükəsizliyinin daha da gücləndirilməsi üçün kompleks tədbirlər planı həyata keçiririk

    Bakı. 8 fevral. REPORT.AZ/ "Bəzi elektron kütləvi informasiya vasitələrində “Neft Daşları"nda çalışan işçilərin daşınması ilə bağlı yanlış məlumatlar yayımlanmaqdadır. Həmin KİV tərəfindən işçilərimizin həyatının təhlükədə olması iddiası tam əsassızdır və yanlış məlumat yaymaqla əhalini, xüsusilə işçilərin ailə üzvlərini təşvişə salmaq cəhdi kimi qiymətləndirilməlidir".

    Bunu "Report" SOCAR-a istinadən xəbər verir. 

    Məlumatda bildirilib ki, “Neft Daşları"nda vəziyyət tam sabitdir, işçilərin həyatı üçün heç bir təhlükə olmayıb: "Əksinə, tufanlı havada gəmilərin yan alması üçün təhlükə olmasın deyə təhlükəsizlik qaydaları əsasında buna müvəqqəti məhdudiyyət qoyulur. İşçilərin gəmilərə minməsi üçün uyğun hava şəraiti bərpa olunan kimi gəmi körpüyə yan alır. Gəmilərin neft özüllərinə yan alması ilə bağlı qoyulan bu məhdudiyyət bütün neftçilərə məlum olan adi prosedurdur, hansı ki, işçilərin təhlükəsizliyinin təmin olunması üçün zəruridir".

    "SOCAR olaraq, həmkarlarımızı ən mühüm sərmayə və ən yüksək dəyər kimi daim nəzərdə tutur, hazırda onların təhlükəsizliyinin daha da gücləndirilməsi üçün kompleks tədbirlər planı həyata keçiririk. İşçilərimizin təhlükəsizliyinin mümkün olan ən yüksək səviyyədə təmin olunması şərti ilə onların iş şəraitinin daha da rahat və səmərəli təşkil olunması üçün son illərdə görülən tədbirlər gələcəkdə də davam etdiriləcək", - məlumatda qeyd edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi