SOCAR ikinci rübdə emal etdiyi qaz həcmlərini açıqlayıb

Bu ilin ikinci rübündə Azərbaycan Dövlət Neft Şirkəti (SOCAR) özünün emal kompleksində 766 milyon 399 min 333 kubmetr qaz emal edib.

“Report” bu barədə SOCAR-ın açıqladığı qazma, hasilat, emal və ixrac göstəricilərinə istinadən xəbər verir.

Hesabat dövründə emal olunan qaz həcmləri 2024-cü ilin eyni dövrü ilə müqayisədə 95 milyon 608 min 941 kubmetr və ya 11,1 % azdır.

Qeyd edək ki, 2024-cü ilin aprel-iyun aylarında SOCAR tərəfindən 862 milyon 008 min 274 kubmetr qaz emal edilib.