Şimal dənizində neft platforması zədələnib: 1 ölü, 2 yaralı

Bakı. 31 dekabr. REPORT.AZ/ Şimal dənizində Çinin "China Oilfield Services Ltd" şirkətlər qrupuna məxsus özüldə qəza baş verib.

"Report" RİA "Novosti" agentliyinə istinadən xəbər verir ki, güclü qasırğanın səbəb olduğu qəza nəticəsində bir nəfər ölüb, bir neçə neftçi xəsarət alıb.

14 metr hündürlüyündəki dalğalar platformada işləyən 106 nəfər üçün ciddi təhlükə mənbəyinə çevrilib. Küləyin sürəti saniyədə 25-30 metrədək yüksəlib.

Bu səbəbdən helikopterlər bir müddət platformaya enə bilməyib. Sonda özüldə olanlardan təxminən 50-si təxliyyə edilib.