Rusiya neftinin qiymətinə dair proqnoz verildi

Rusiya Energertika Nazirliyi bu ölkəyə məxsus “Urals” markalı neftin 2020-ci ildə orta hesabla 35 ABŞ dollarına satılacağını gözləyir.

“Report” “Handelsblatt”a istinadən xəbər verir ki, bu barədə ölkənin energetika naziri Aleksandr Novak bildirib.

Nazirin qənaətincə, neft bazarı böhrandan əvvəlki səviyyəyə, çox güman ki, iki-üç ilə qayıda bilər:

“Bunun 2021-ci ildə baş verməsinə ümidvarıq. Lakin, ola bilsin ki, bu məsələ iki və ya üç il çəksin. Çünki insanlar daha az təyyarəyə minəcək, daha az yola çıxacaq, səyahət edəcəklər”.