"Qara qızıl"ın qiyməti cüzi artıb

Bu gün keçirilən hərraclarda neftin qiyməti cüzi artıb.

“Report” xəbər verir ki, “Brent” markalı neftin mart fyüçersləri 0,08 faiz bahalaşaraq 78,28 ABŞ dollarından, WTI markalı neftin fevral fyüçersləri də 0,28 faiz bahalaşaraq 75,78 dollardan satılıb.

Neft bazarındakı müsbət dinamika gələn il Asiya bazarlarındakı tələbata dair yüksək gözləntilərlə bağlıdır. Bu barədə “S & P Global Platts” proqnoz verərək daha çox Hindistan və Çində tələbatın artacağını bildirib. Belə ki, Hindistanda noyabr ayında xam neft idxalı 10 ayın ən yüksək həddinə çatıb.

Bununla yanaşı, koronavirusun “omikron” ştamının heç də ən təhlükəli variant olmamasına dair rəylər də neft bazarında müsbət əks-səda doğurub.