Putin: "Rusiya Özbəkistana qaz tədarükünü artırmağa hazırdır"

Rusiya Qazaxıstan vasitəsilə Özbəkistana nəql olunan qazın həcmini artırmağa hazırdır.

“Report” Rusiya KİV-ə istinadən xəbər verir ki, bunu Rusiya Prezidenti Vladimir Putin özbəkistanlı həmkarı Şavkat Mirziyoyevlə geniş tərkibdə danışıqlar zamanı deyib.

V.Putin Qazaxıstan vasitəsilə Özbəkistana Rusiya qazının nəqlinə başlandığını xatırladıb: “Hazırda ixrac qrafikdən çox irəlidə aparılır, lazım olduqda bu həcmi artırmağa hazırıq”.

Xatırladaq ki, 2023-cü il oktyabrın 7-də Rusiya, Özbəkistan və Qazaxıstan prezidentləri Vladimir Putin, Şavkat Mirziyoyev və Kasım-Jomart Tokayev Rusiya təbii qazının Qazaxıstan ərazisindən keçməklə “Mərkəzi Asiya - Mərkəz” qaz kəməri ilə Özbəkistana tranzitinə başlayıblar.