Ötən il Azərbaycanda qaz hasilatı 4 %-dən çox artıb

2020-ci il ərzində 2019-cu ilin müvafiq dövrünə nisbətən 4,2 %, yəni 1,5 mlrd kubmetr artımla 37,1 mlrd kubmetr qaz hasil edilib.

“Report” xəbər verir ki, bu barədə Energetika Nazirliyi tərəfindən 2020-ci ildə görülmüş işlərə dair hazırladığı hesabatda deyilir.

Məlumata görə, bu, proqnozdan 1 mlrd. kubmetr, yəni 2,6 % azdır.

Bildirilir ki, ötən il qaz hasilatının 11,7 mlrd kubmetri “Azəri-Çıraq-Günəşli” (AÇG) yataqlar blokundan, 18,1 mlrd kubmetri isə “Şahdəniz”dən əldə edilib. Bu da 2019-cu ilin nəticələri ilə müqayisədə müvafiq olaraq 2,3 % az və 7,6 % çoxdur.

Azərbaycan Dövlət Neft Şirkəti (SOCAR) üzrə ötən dövrdə 7,3 mlrd kubmetr qaz hasil olunub. Bu, 2019-cu ilin göstəriciləri ilə müqayisədə 0,5 mlrd kubmetr və ya 7,7 % çoxdur.