Yuxarı

OPEC+ ölkələri neft hasilatını azalda bilər

OPEC+ ölkələri neft hasilatını azalda bilər

Bakı. 24 sentyabr. REPORT.AZ/ OPEC+ ölkələri bazar çətinlikləri yaşanacağı halda, gələcəkdə hasilatın azaldılması ilə bağlı mexanizmə qayıda bilər.

"Report" TASS-a istinadən xəbər verir ki, bu barədə Rusiyanın energetika naziri Aleksandr Novak "Rossiya 24" telekanalına müsahibəsində bildirib.

"Neft hasilatının azaldılması mexanizmi effektivliyini nümayiş etdirib və əgər gələcəkdə bazarda çətin vəziyyət yaranarsa, 2017-2018-ci illərdə olduğu kimi, eyni yanaşmaya qayıda bilərik", - nazir deyib.

Onun sözlərinə görə, bütün ölkələr diqqəti qlobal hədəfə çatmağa - tələb və təklifin balanslaşdırılmasına yönəltməlidir.

Xatırladaq ki, OPEC+ ölkələri Əlcəzairdə keçirilmiş nazirlər toplantısında 2019-cu ildə məhdudiyyətlərin yenidən tətbiqi barədə xəbərdarlıq edib. Gələn il üçün tədbirlər barədə yekun qərarı nazirlər dekabrın 6-7-də Vyanada (Avstriya) qəbul edə bilərlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi