IMF: "Azərbaycanın qeyri-neft ÜDM-i gələn il 3,5 %, neft ÜDM-i isə 0,2 % artacaq"

Bu il Azərbaycanın qeyri-neft sektoru üzrə ümumi daxili məhsulunun (ÜDM) 4,5 % artması gözlənilir.

“Report” xəbər verir ki, bu barədə Beynəlxalq Valyuta Fondunun (IMF) hesabatında bildirilib.

Sənədə əsasən, 2022-ci ildə qeyri-neft ÜDM-in artım tempi bir qədər zəifləyərək 3,5 %-ə enəcək.

Azərbaycanın neft sektoru üzrə ümumi daxili məhsulu 2021-2022-ci illərdə 0,2 % artacağı proqnozlaşdırılır.

Proqnoza əsasən, ölkənin ÜDM-i bu il 3 %, 2022-ci ildə isə 2,3 % artacaq.

Azərbaycan hökuməti bu il ölkədə iqtisadi artımın 4,6 % təşkil edəcəyini proqnozlaşdırır.

Dövlət Statistika Komitəsinə istinadən, bu ilin yanvar-sentyabr aylarında Azərbaycanda 62 milyard 877,4 milyon manatlıq və yaxud ötən ilin eyni dövrü ilə müqayisədə 4,8 % çox ümumi daxili məhsul istehsal olunub. Son 1 ildə iqtisadiyyatın neft-qaz sektorunda əlavə dəyər 1,4 %, qeyri neft-qaz sektorunda isə 6,2 % artıb.