İlham Mirzəliyev: "Şuşanın qazlaşdırılması istilik enerjisinin daha effektiv istifadəsi üçün imkan yaradacaq"

Şuşa şəhərinin qazlaşdırılması istilik enerjisinin daha effektiv istifadə edilməsinə imkan yaradacaq.

“Report”un Şuşaya ezam edilmiş müxbirinin verdiyi məlumata görə, bunu “Azəristiliktəchizat” ASC-nin sədrinin vəzifələrini müvəqqəti icra edən İlham Mirzəliyev bu gün Şuşa şəhərində keçirilən İdarələrarası Mərkəzin “Enerji təminatı məsələləri” üzrə İşçi Qrupunun 66-cı iclasında bildirib.

Onun sözlərinə görə, artıq Şuşa şəhərində 20 bina istilik enerjisi ilə təmin edilir: "Ötən mövsümdə Şuşada 6 min Q/kaldan artıq istilik istehsal edilib".

İ. Mirzəliyev bildirib ki, bu günə qədər Şuşada 7 istilik qazanxana tikilib və istifadəyə verilib.