Bakı. 6 aprel. REPORT.AZ/ Xəzər dənizinin Azərbaycan sektorunda yerləşən “Şahdəniz” qaz-kondensat yatağından bu ilin I rübündə 2,5 mlrd. kubmetr qaz hasil edilib. Bu isə ötən ildəkindən azdır.
“Report” xəbər verir ki, bunu “Natural Gas World” jurnalına Azərbaycan Dövlət Neft Şirkətinin (SOCAR) I vitse-prezidenti Xoşbəxt Yusifzadə bildirib.
Onun sözlərinə görə, bu dövrdə “Azəri-Çıraq-Günəşli” (AÇG) blokundan SOCAR-a verilən səmt qazının həcmi 0,4 mlrd. kubmetrədək artıb.
Qeyd edək ki, 2016-cı ildə Azərbaycanda qaz hasilatının həcmi 29,4 mlrd. kuibmetr olub.