Gələn il Azərbaycan elektrik enerjisi istehsalını 1% artıracaq

Bakı. 25 oktyabr. REPORT.AZ/ Azərbaycanda gələn il 25 482,2 QVt/saat elektrik enerjisi istehsalı proqnozlaşdırılır ki, bu da 2018-ci il proqnozu ilə müqayisədə 1,01% çoxdur.

“Report”un məlumatına görə, bu barədə 2019-cu il büdcə zərfində deyilir.

Məlumata görə, 2020-ci ildə 25 920,3 QVt/saat, 2021-ci ildə 26 484,3 QVt/saat, 2022-ci ildə 27 048,3 QVt/saat elektrik enerjisi istehsal olunacağı gözlənilir.

Qeyd edək ki, 2018-ci il proqnozuna əsasən, ölkədə elektrik enerjisi istehsalı 25 227,2 QVt/saat olacağı ehtimal olunur.