EIA 2027-ci il üçün Azərbaycanda neft hasilatı proqnozunu dəyişməz saxlayıb

ABŞ Energetika Nazirliyinin Energetika İnformasiya Administrasiyası (EIA) Azərbaycanda gündəlik neft hasilatı üzrə 2027-ci il üçün proqnozunu sutkada 520 min barel səviyyəsində saxlayıb.

"Report" xəbər verir ki, bu barədə EIA-nın "Qısamüddətli enerji perspektivi" adlı hesabatının iyun ayı üzrə açıqladığı məlumatda qeyd edilib.

Yenilənmiş rəqəmlərə əsasən, 2027-ci ilin birinci rübündə hasilat 530 min b/s təşkil edəcək.

2027-ci ilin ikinci və üçüncü rüblərinin hər birində hasilat sutkada 520 min barel təşkil edəcək.

Dördüncü rübdə EIA orta gündəlik hasilatın 510 min barel səviyyəsində olacağını gözləyir.

Xatırladaq ki, ABŞ Energetika Nazirliyi analoji göstəriciləri bir ay əvvəl açıqlamışdı.