Deputat: “Azərbaycan bərpa olunan enerjinin payını 30 % artırmaq niyyətindədir”

“Azərbaycan bərpa olunan enerjinin payını 2030-cu ilədək 30 % artırmaq niyyətindədir”.

“Report” xəbər verir ki, bunu Milli Məclisin deputatı Soltan Məmmədov İrəvanda AVRONEST Parlament Assambleyasının komitə iclasında söyləyib.

“Belə imkanlar ölkəmizin Qarabağ regionunda da var, günəş enerjisi, külək enerjisi. Həmçinin Xəzər dənizinin potensialından da istifadə edə bilərik. Bu, müasir inkişafın tələbləridir. Həmçinin bu, iqtisadiyyatın müxtəlif sahələri üçün vacibdir, xüsusilə enerji sektoru üçün. Təcrübəmizdən yola çıxaraq hazırda qanun layihəsi hazırlayırıq. Həmin qanun layihəsi bu ilin iyul ayında qüvvəyə minəcək”, - deputat bildirib.