Cənubi Koreya ehtiyatındakı maye qazın bir hissəsini Avropaya göndərəcək

Cənubi Koreya hökuməti ölkənin ehtiyatındakı maye qazın bir hissəsinin Avropaya nəql esilməsi haqqında qərar qəbul edib.

“Report” bu barədə TASS-a istinadən xəbər verir.

Məlumata görə, bununla rəsmi Seul Rusiyanın Ukraynaya hərbi müdaxiləsi nəticəsində Avropada enerjidaşıyıcıları ilə bağlı yaranmış çatışmazlığın aradan qaldırılmasına kömək etmək istəyir. Cənubi Koreyanın Ticarət Nazirliyi bildirib ki, qış fəsli bitdiyi üçün Avropaya tədarük olunacaq yanacaq daxili bazarda qıtlıq yaratmayacaq, maye qazın qiymətinə təsir etməyəcək.

Xatırladaq ki, rəsmi Seul bu ilin fevral ayında rəsmi Vaşinqtonun sözügedən məsələ ilə bağlı müraciətinə mənfi cavab vermişdi.