Bu il Azərbaycanda əmtəəlik qaz hasilatı 8 % artıb

Bu ilin yanvar-noyabr aylarında 42 milyard 498 milyon kubmetr təbii qaz da hasil edilib.

“Report”un Dövlət Statistika Komitəsinə istinadən verdiyi xəbərə görə, bunun 31 milyard 790,9 milyon kubmetri əmtəəlik təbii qazın payına düşüb.

Hesabat dövründə təbii qaz hasilatı illik müqayisədə 7,1 %, əmtəəlik qaz hasilatı isə 8 % artıb.

Bu ilin yanvar-noyabr aylarında Azərbaycanda 29 milyon 911,9 min ton qaz kondensatı daxil olmaqla xam neft hasil edilib. Bunun 29 milyon 827,9 min tonu əmtəəlik xam neftin payına düşüb.

Hesabat dövründə neft hasilatı daha əvvəlki ilin eyni ayları ilə müqayisədə 5,4 % (əmtəəlik neftin həcmləri isə 5,5 %) azdır.