Bu il əmtəəlik qaz hasilatı 18 %-dən çox artıb

Bu ilin ilk beş ayında 19 milyard 639,8 milyon kubmetr təbii qaz da hasil edilib.

“Report”un Dövlət Statistika Komitəsinə istinadən verdiyi xəbərə görə, bunun 14 milyard 874 milyon kubmetri əmtəəlik təbii qazın payına düşüb.

Hesabat dövründə təbii qaz hasilatı illik müqayisədə 15,5 %, əmtəəlik qaz hasilatı isə 18,5 % artıb.

Bu ilin yanvar-may aylarında Azərbaycanda 13 milyon 933,6 min ton qaz kondensatı daxil olmaqla xam neft hasil edilib. Bunun 13 milyon 894,1 min tonu əmtəəlik xam neftin payına düşüb.

Hesabat dövründə neft hasilatı daha əvvəlki ilin eyni ayları ilə müqayisədə 2,6 % (əmtəəlik neftin həcmləri isə 2,7 %) azdır.