Bu il Azərbaycanda 4,8 mln ton neft emal edilib

Bu ilin yanvar-oktyabr ayları ərzində Azərbaycanda neft emalı 4,8 mln ton təşkil edib.

Bu barədə “Report” Energetika Nazirliyinin bu ilin 10 ayında ölkədə neft-qaz hasilatı ilə bağlı hazırladığı operativ məlumatlarına əsasən xəbər verir.

Məlumata görə, neft emalı ötən ilin müvafiq dövrünə nisbətən 246 min ton az olub.

Qeyd edək ki, Azərbaycanda neft emalı Azərbaycan Dövlət Neft Şirkətinin (SOCAR) Heydər Əliyev adına Neft Emalı Zavodunda həyata keçirilir.