“Brent” markalı neftin barreli 84 dollara yüksəlib

Çinin koronavirus məhdudiyyətlərini yüngülləşdirəcəyi ilə bağlı gözləntilər neftin qiymətinin artmasına səbəb olub.

"Report" "İnterfaks"a istinadən xəbər verir ki, Şimal dənizində hasil olunan “Brent” neftinin yanvar fyuçersləri 1,13 % bahalaşaraq 1 bareli 83,97 ABŞ dollarına satılıb. WTI neftinin yanvar fyuçerslərinin qiyməti isə 1,14 % artaraq 1 bareli 79,09 ABŞ dolları təşkil edib.

Çin hökuməti yaşlı əhalini koronavirusa qarşı daha aktiv şəkildə peyvəndləmək planlarını açıqlayıb və 80 yaşdan yuxarı şəxslər üçün peyvəndlər arasındakı müddəti 3 aya endirib.

Birjaların diqqəti həmçinin OPEC+ qrupunun dekabrın 4-də keçiriləcək iclasına yönəlib.