BP-nin və tərəfdaşlarının Azərbaycana investisiyaları 85 milyard dollar təşkil edib

Xəzər dənizində bir sıra iri layihələrin operatoru olan BP şirkətinin və onun tərəfdaşlarının Azərbaycandakı layihələrə investisiyaları 85 milyard ABŞ dolları təşkil edib.

"Report" xəbər verir ki, bunu BP-nin Xəzər regionu üzrə vitse-prezidenti Bəxtiyar Aslanbəyli deyib.

O qeyd edib ki, bütün dövr ərzində “Azəri-Çıraq-Günəşli” yataqlar blokundan 4,3 milyard bareldən çox neft hasil edilib: "İndiyədək Azərbaycan hökumətinə təmənnasız olaraq 50 milyard kubmetrə yaxın səmt qazı verilib, "Şahdəniz" yatağından isə 200 milyard kubmetrdən çox təbii qaz hasil edilib".