"Azərişıq": "Tarixçənin online olması abonentlərə hesabatlarını görməsinə şərait yaradacaq"

Abonentlərə geniş tarixçənin verilməsi xidmətinin online olması onlara aylıq, illik hesabatlarını özlərinin görməsinə şərait yaradacaq.

"Report" xəbər verir ki, bu fikirləri "Azərişıq" ASC-nin İnformasiya Texnologiyaları Departamentinin direktoru Qalib Həmidov deyib.

O bildirib ki, bununla da bəzən abonentlərin ödənişlərin sistemə oturulması ilə bağlı ardıcıllığı görməyə kömək edəcək.

"Eyni zamanda, elektron portalda online müraciət və müqavilələrin imzalanması da həyata keçiriləcək. Abonentlər "Asan İmza" vasitəsilə müqavilələrinin imzalanmasını həyata keçirə bilər", - o deyib.