Yuxarı
    Bağlamaq

    “Azərişıq” sənədsiz evlərlə bağlı ƏMDK ilə danışıqlar aparır

    Təkcə ötən il 33 min abunəçi elektrik enerjisi şəbəkəsinə qoşulmaq üçün səhmdar cəmiyyətə müraciət edib
    © Report/ Firi Salim — "Azərişıq" ASC rəsmisi Elsevər Rüstəmov

    Bakı. 25 yanvar. REPORT.AZ/ Təkcə 2017-ci ildə Azərbaycanda 33 min abunəçi elektrik enerjisi şəbəkəsinə qoşulmaq üçün "Azərişıq" ASC-yə müraciət edib. 

    “Report” xəbər verir ki, bunu jurnalistlərə açıqlamasında səhmdar cəmiyyətin rəsmisi Elsevər Rüstəmov deyib.

    Onun sözlərinə görə, həmin müraciətlərin 30 mini müsbət cavablandırılıb. 

    “Bu müraciətlərdən təxminən 1 000-i qeyri-əhali qrupuna daxil olan abunəçilərə məxsusdur", - o qeyd edib. 

    E.Rüstəmov imtinaların səbəblərini də açıqlayıb: "Abunəçilərin 1 uçot nöqtəsi olduğu halda ödəmədən yayınmaq üçün 2-ci uçot nöqtəsi axtarır. Bu zaman isə biz imtina edirik. Həmin 3 min imtinanın da əksəriyyəti bununla bağlıdır".

    "Azərişıq" təmsilçisi həmçinin əlavə edib ki, təmsil etdiyi qurum sənədsiz evlərlə bağlı Əmlak Məsələləri üzrə Dövlət Komitəsi (ƏMDK) ilə danışıqlar aparır: “Bildiyiniz kimi, ƏMDK sənədsiz evlərlə bağlı layihə həyata keçirir. Komitə bizə hər hansı arayış verməklə biz həmin tikilini elektrik enerjisi ilə təmin edəcəyik. Hazırda bu istiqamətdə danışıqlar davam etdirilir”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi