“Azərenerji” 3 yarımstansiyanı yenidən qurur

“Azərenerji” ASC 110/35/6 kV-luq “205 saylı”, “Zığ” və “Puta” yarımstansiyalarının yenidən qurulması və istismara verilməsi işləri üçün 3 lotdan ibarət açıq tender elan edib.

“Report” xəbər verir ki, tenderdə iştirak haqqı hər lot üzrə 2 min manatdır.

İddiaçılar ilkin sənədləri noyabrın 10-u, saat 15:00-a qədər, tender təklifi və onun dəyərinin 1 %-i qədər bank təminatını isə noyabrın 18-i, saat 15:00-a qədər “Azərenerji”nin Bakı şəhəri, Ə.Əlizadə küçəsi, 10 ünvanında yerləşən inzibati binasına təqdim edə bilərlər. Telefon: (012) 490-09-27; 598-05-56.

Təkliflərə noyabrın 19-u, saat 15:00-da qeyd olunan ünvanda baxılacaq.