Yuxarı
    Bağlamaq

    Azərbaycanda daha iki yaşayış məntəqəsinə təbii qaz verilib

    1874 abonent qazla təmin olunub

    Bakı.19 sentyabr. REPORT.AZ/ Neftçilər günü ərəfəsində Qəbələ və Lənkəran rayonlarının daha iki yaşayış məntəqəsinə təbii qaz verilib.

    "Report" Dövlət Neft Şirkətinə (SOCAR) istinadən xəbər verir ki, bu münasibətlə keçirilmiş tədbirlərdə rayon icra hakimiyyətlərinin və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak ediblər.

    Qəbələ rayonunda keçirilən tədbirdə bildirilib ki, 1525 abonenti olan Nic qəsəbəsinin ilk dəfə qazlaşdırılması məqsədi ilə birpilləli sistem əsasında 196471 metr uzunluğunda müxtəlif diametrli daşıyıcı və məhəllədaxili qaz xətləri çəkilib, hər bir abonent üçün sayğac və fərdi tənzimləyici quraşdırılıb.

    Lənkəran rayonunun 349 abonenti olan Ləj kəndinə yenidən təbii qazın verilməsi ilə əlaqədar keçirilən mərasimdə qeyd olunub ki, qazlaşdırma işləri zamanı 17870 metrlik müxtəlif diametrli polietilen və metal borulardan istisfadə olunub, bütün abonentlərin mənzillərində sayğac və fərdi tənzimləyicilər quraşdırılıb.



    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi