Azərbaycan Sofiyada energetika üzrə nazirlər görüşündə iştirak edib

Azərbaycan Bolqarıstanın paytaxtı Sofiyada keçirilən “Energy Connectivity” nazirlər görüşündə iştirak edib.

"Report" Azərbaycanın Bolqarıstandakı səfiri Hüseyn Hüseynovun sosial şəbəkədəki paylaşımına istinadən xəbər verir ki, tədbirdə energetika nazirinin müavini Orxan Zeynalov iştirak edib.

"Azərbaycanın energetika nazirinin müavini Orxan Zeynalovla birlikdə tədbirdə məmnuniyyətlə iştirak etdim. Böyük Qara dəniz regionu ölkələrinin nümayəndələri ilə enerji təchizatının etibarlılığını artırmaq və enerji keçidini irəlilətmək üçün regional əlaqələrin inkişaf etdirilməsi ilə bağlı səmərəli müzakirələr aparılıb", - diplomat vurğulayıb.