Azərbaycan IFC ilə “yaşıl enerji”nin ixrac marşrutları imkanlarını müzakirə edib

Azərbaycan və Beynəlxalq Maliyyə Korporasiyası (IFC) arasında “yaşıl enerji”nin müxtəlif ixrac marşrutları istiqamətlərində əməkdaşlıq imkanları müzakirə olunub.

Bu barədə “Report”a Energetika Nazirliyi yanında Bərpa Olunan Enerji Mənbələri Dövlət Agentliyindən (AREA) məlumat verilib.

Bildirilib ki, AREA-nın direktoru Cavid Abdullayev Dünya Bankı qrupunun üzvü IFC-nin nümayəndələri ilə görüşüb.

Görüşdə həmçinin ölkəmizdə bərpa olunan enerji layihələri, dənizdə külək enerjisi, hidrogenin də müxtəlif ixrac marşrutları istiqamətlərində əməkdaşlıq imkanları müzakirə olunub.