Azərbaycan Dünya Bankı ilə enerji əməkdaşlığının inkişafını müzakirə edib

Azərbaycanla Dünya Bankı arasında enerji əməkdaşlığının inkişafını müzakirə edilib.

"Report" bu barədə Energetika Nazirliyinə istinadən xəbər verir.

Məlumata görə, nazir Pərviz Şahbazov Dünya Bankının Cənubi Qafqaz üzrə regional direktoru xanım Roland Praysın rəhbərlik etdiyi nümayəndə heyəti ilə görüş keçirib. Görüşdə Azərbaycanla Dünya Bankı arasında enerji sektorunda əməkdaşlığın inkişafı, ölkəmizdə yaşıl enerjinin inteqrasiyasının təmin edilməsi məqsədilə ötürücü şəbəkənin gücləndirilməsi layihəsi, o cümlədən “Masdar” şirkəti tərəfindən reallaşdırılan günəş və külək elektrik stansiyalarının enerjisistemə qoşulması ilə bağlı görülmüş işlər müzakirə edilib.

Müzakirələrdə “Azərenerji” ASC-nin nümayəndələri də iştirak ediblər.